မိုး တွေရွာရင်.....

မိုး တွေရွာရင်....... ဆိုတာလေး ကို ဘယ်လိုရေးရမလဲစဉ်းစားနေတာတော်တော်လေးကိုကြာသွားတယ်...။ကျွန်တော့်မှာ အရေးအသားနဲ့ပတ်သတ်ပြီးတော့ တော်တော်လေး ကိုအားနည်း တာကြောင့်ပါ..။

မိုးနဲ့ပတ်သတ်ပြီး တော့ လူတိုင်းခံစားဖူးကြမှာပါ..။ကျွန်တော်ကတော့ မိုးရွာရင်တော်တော်လေးကိုသဘောကျပါတယ်..။ဟိုး ငယ်ငယ်တုန်း ကတော့ မိုးရွာရင်...မိုးရွာထဲမှာ ဘော်လုံးကန်တာ ကိုတော်တော်သဘောကျတယ်..။ နောက်ပြီးတော့...မိုးရွာထဲမှာ ထီးမပါပဲ လျှောက်သွားရတာကို တော်တော်လေး ကြိုက်ပါတယ်..။

မိုး ရာသီ ကိုကြိုက်တယ်လည်း မဟုတ်..၊မကြိုက်ဘူးလည်း မဟုတ်ပါဘူး..။ ဒါပေမယ့် မိုးရာသီ ဆိုတာလေး ကတော့ ကျွန်တော်တို့ နိုင်ငံအတွက် Essential Rain ပါ..။ ဒီ လုံးလေးကတော့ စာရေးဆရာမ ဂျူး ရဲ့ စာအုပ်နာမည်လေးတစ်ခုပါ..။ကျွန်တော်ငယ်ငယ်တုန်းက အဲ့ဒီ့ စာအုပ်လေးကိုဖတ်ဖူး ခဲ့တာပါ..။ Essential ဆိုတာလေးကိုကျွန်တော်တော်တော်လေး ကိုသဘောကျခဲ့ တာ ပါ..။ အဲ့ဒါ က မိုး နဲ့ပတ်သတ်ပြီး အခုခေါင်းထဲ မှာပေါ် လာတာလေး ကို ကျွန်တော်ပြောလိုက်တာပါ..။

နောက်ထပ် ပေါ်လာတာ ကတော့ မိုးနဲ့ပတ်သတ်တဲ့ သီချင်းလေးတစ်ပုဒ် ပါ..။ ကျွန်တော် ၈-တန်းလောက်ဖြစ်မယ်ထင်ပါတယ်..။ ဇော်ဝင်းထွဋ် ရဲ့ ဆေးဆိုးပန်းရိုက်မျက်နှာ ကို Pre-Recorded (ပရီစနစ် ဆိုပြီး မြန်မာ မှာစထုတ်တုန်း က) ဆိုပြီးထွက်လာ တော့ ကျွန်တော်အခန်းလေးထဲမှာ နားထောင်ရင်း မူယာမာယာမိုး ဆိုတဲ့ သီချင်းလေး ကို သွားသဘောကျမိပါတယ်..။ အဲ့ဒီ့ သီချင်းလေး က အခု အချိန်မှာ ကျွန်တော့် အတွက်တော်တော်လေး ကို သွား တိုက်ဆိုင်နေသလားတယ်လို့ ထင်ပါတယ်..။

မိုးအကြောင်း ရေးရမှာ တခြားအကြောင်းတွေနွယ်သွားပါတယ်..။ ကျွန်တော်က တော့ မိုးရွာရင်.... ပျော်တတ်ပါတယ်..။ ၅နှစ်တာ ကျောင်းနေ တုန်း ကဆိုရင် မိုး ကိုတော်တော်လေး ကိုမျှော်ပါတယ်..။ မိုးရွာ ရင်စာအုပ်လေးဖတ်နေ ရတာ ကိုအခုအချိန်အထိ မမေ့သေးပါဘူး.။ ကျွန်တော် ကို ကိုတီဇက်အမ် က တတ် တာ နဲ့ မရေးတတ် ရေးတတ် နဲ့ ရေးလိုက်ပါတယ်။ကျွန်တော့မှာ မိုး နဲ့ပတ်သတ်ပြီးတော့ အမှတ်တရ တွေ သိပ်မရှိတာလည်းပါ ပါတယ်..။